parda-dari ke ’ewaz badnam-o-ruswa kar diya

parda-dārī ke ’evaz badnām-o-rusvā kar diyā

ai ḳhayāl-e-yār kyā karnā thā aur kyā kar diyā

ḳhuub bīmār-e-mohabbat kā mudāvā kar diyā

maar Daalā phir bhī kahte ho ki achchhā kar diyā

un ko sakta ho gayā kaisā ishāra kar diyā

ai nigāh-e-yās āḳhir tuune ye kyā kar diyā

saiñkaḌoñ ko raah par laa.e kho.e hue

kyā nazar thī jis ne murdoñ ko masīhā kar diyā

ik tirī chashm-e-karam ne sāqī-e-banda-navāz

zarra ko ḳhurshed aur qatra ko dariyā kar diyā

ye kiyā furqat meñ un kī yaad ne aakar sulūk

baiThe-biThā.e jigar meñ dard paidā kar diyā

āñkhoñ hī āñkhoñ meñ 'bedam' kah ga.e ham hāl-e-dil

parde hī parde meñ iz.hār-e-tamannā kar diyā

parda-dari ke ’ewaz badnam-o-ruswa kar diya

ai KHayal-e-yar kya karna tha aur kya kar diya

KHub bimar-e-mohabbat ka mudawa kar diya

mar Dala phir bhi kahte ho ki achchha kar diya

un ko sakta ho gaya kaisa ishaara kar diya

ai nigah-e-yas aaKHir tune ye kya kar diya

sainkaDon ko rah par lae khoe hue

kya nazar thi jis ne murdon ko masiha kar diya

ek teri chashm-e-karam ne saqi-e-banda-nawaz

zarra ko KHurshed aur qatra ko dariya kar diya

ye kiya furqat mein un ki yaad ne aakar sulūk

baiThe-biThae jigar mein dard paida kar diya

aankhon hi aankhon mein 'bedam' kah gae hum haal-e-dil

parde hi parde mein izhaar-e-tamanna kar diya