aankh barchhi ki ani thi sambhaali na gai dil ka KHun hoke raha

aañkh barchhī kī anī thī sambhālī na ga.ī dil kā ḳhuun hoke rahā

jab paḌī siine pe mere kabhī ḳhālī na ga.ī jaan ko saath liyā

kushta-e-nāz se kahtī hai ye maqtal meñ qazā kyuuñ jī kuchh bas na chalā

tum bachāte to rahe jaan bachā.ī na ga.ī na rukā tīr-e-adā

mai-kada meñ haram-o-dair kalīsā meñ ga.e ham jahāñ jaake rahe

dil se tū aur terī tasvīr-e-ḳhyālī na ga.ī tujh ko bhī sajda kiyā

zulf ke bhes meñ ye kaalī balā aa.ī hai yā ghaTā chhā.ī hai

yā ye nāgin hai ki jo aap se paalī na ga.ī merā dil aake Dasā

dil sī shai kho ke vo kahte haiñ shikāyat kaisī ab hikāyat kaisī

tum se rakhī na ga.ī tum se sambhālī na ga.ī ham se bejā hai gilā

jab kahā un se ke phir tum mare dushman se mile kah ke qāyam na rahe

bole 'bedam' ye terī ḳhām-e-ḳhayālī na ga.ī aur terā rashk na gayā

aankh barchhi ki ani thi sambhaali na gai dil ka KHun hoke raha

jab paDi sine pe mere kabhi KHali na gai jaan ko sath liya

kushta-e-naz se kahti hai ye maqtal mein qaza kyun ji kuchh bas na chala

tum bachate to rahe jaan bachai na gai na ruka tir-e-ada

mai-kada mein haram-o-dair kalisa mein gae hum jahan jake rahe

dil se tu aur teri taswir-e-KHyali na gai tujh ko bhi sajda kiya

zulf ke bhes mein ye kali bala aai hai ya ghaTa chhai hai

ya ye nagin hai ki jo aap se pali na gai mera dil aake Dasa

dil si shai kho ke wo kahte hain shikayat kaisi ab hikayat kaisi

tum se rakhi na gai tum se sambhaali na gai hum se beja hai gila

jab kaha un se ke phir tum mare dushman se mile kah ke qayam na rahe

bole 'bedam' ye teri KHam-e-KHayali na gai aur tera rashk na gaya