آنکھ برچھی کی انی تھی سنبھالی نہ گئی دل کا خون ہوکے رہا

آنکھ برچھی کی انی تھی سنبھالی نہ گئی دل کا خون ہوکے رہا

جب پڑی سینے پہ میرے کبھی خالی نہ گئی جان کو ساتھ لیا

کشتۂ ناز سے کہتی ہے یہ مقتل میں قضا کیوں جی کچھ بس نہ چلا

تم بچاتے تو رہے جان بچائی نہ گئی نہ رکا تیر ادا

مے کدہ میں حرم و دیر کلیسا میں گئے ہم جہاں جاکے رہے

دل سے تو اور تیری تصویر خیالی نہ گئی تجھ کو بھی سجدہ کیا

زلف کے بھیس میں یہ کالی بلا آئی ہے یا گھٹا چھائی ہے

یا یہ ناگن ہے کہ جو آپ سے پالی نہ گئی میرا دل آکے ڈسا

دل سی شے کھو کے وہ کہتے ہیں شکایت کیسی اب حکایت کیسی

تم سے رکھی نہ گئی تم سے سنبھالی نہ گئی ہم سے بے جا ہے گلا

جب کہا ان سے کہ پھر تم مرے دشمن سے ملے کہہ کے قایم نہ رہے

بولے بیدمؔ یہ تیری خام خیالی نہ گئی اور تیرا رشک نہ گیا