tewar chaDhae usne mera ji dahal gaya

tevar chaḌhā.e us ne mirā jī dahal gayā

inkār-e-vasl sun ke kaleja nikal gayā

tū phir gayā to saarī ḳhudā.ī palaT ga.ī

terī nazar ke saath zamāna badal gayā

sad shukr dam nikalne se pahle tum aa ga.e

hasrat nikal ga.ī mirā armāñ nikal gayā

chaskā thā mai-kashī kā laḌakpan se shaiḳh ko

jab mai-kade ke sāmne aayā machal gayā

pās-e-adab zarūr hai mansūr hosh kar

ye be-ḳhudī meñ muñh se tire kyā nikal gayā

apnī ḳhabar nahīñ hai na ho ye to hosh hai

saaqī ne jab kahā ke sambhal meñ sambhal gayā

lillāh kal bhī hazrat-e-'bedam' phir aa.iye

aap aa ga.e to aaj mirā jī bahal gayā

tewar chaDhae us ne mera ji dahal gaya

inkar-e-wasl sun ke kaleja nikal gaya

tu phir gaya to sari KHudai palaT gai

teri nazar ke sath zamana badal gaya

sad shukr dam nikalne se pahle tum aa gae

hasrat nikal gai mera arman nikal gaya

chaska tha mai-kashi ka laDakpan se shaiKH ko

jab mai-kade ke samne aaya machal gaya

pas-e-adab zarur hai mansur hosh kar

ye be-KHudi mein munh se tere kya nikal gaya

apni KHabar nahin hai na ho ye to hosh hai

saqi ne jab kaha ke sambhal mein sambhal gaya

lillah kal bhi hazrat-e-'bedam' phir aaiye

aap aa gae to aaj mera ji bahal gaya