halqa-ba-gosh gesu-e-KHamdar ho gaya
halqa-ba-gosh gesū-e-ḳhamdār ho gayā
yā-rab maiñ kis balā meñ giraftār ho gayā
mauqūf ek hazrat-e-mansūr par nahīñ
sar jis ne de diyā vo hī sardār ho gayā
saaqī ne aake mastoñ meñ ik dhuum Daal dī
zāhid kā ghar bhī ḳhāna-e-ḳhammār ho gayā
qātil tū apnī teġh kā sadqa utaar le
sar ab to mujh ko tan pe girāñ-bār ho gayā
lījiye nasīb hazrat-e-'bedam' ke khul ga.e
sunte haiñ aaj vasl kā iqrār ho gayā
halqa-ba-gosh gesu-e-KHamdar ho gaya
ya-rab main kis bala mein giraftar ho gaya
mauquf ek hazrat-e-mansur par nahin
sar jis ne de diya wo hi sardar ho gaya
saqi ne aake maston mein ek dhum Dal di
zahid ka ghar bhi KHana-e-KHammar ho gaya
qatil tu apni tegh ka sadqa utar le
sar ab to mujh ko tan pe giran-bar ho gaya
lijiye nasib hazrat-e-'bedam' ke khul gae
sunte hain aaj wasl ka iqrar ho gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
