bedar karaun kis ko mein izhaar-e-mohabbat

bedār karauñ kis ko meñ iz.hār-e-mohabbat

bas dil hai mirā mahram-e-asrār-e-mohabbat

ai sham-e-dil-afroz shab-e-tār-e-mohabbat

tujh se hī hai ye garmī-e-bāzār-e-mohabbat

har bul-havas us jins kā hotā nahīñ ḳhvāhāñ

jaañ baḳhtagāñ hoveñ ḳharīdār-e-mohabbat

sābit-qadam us rah meñ jo haiñ jo sham.a ke mānind

sar dete haiñ karte nahīñ iz.hār-e-mohabbat

ai lāla-ruḳhāñ us ke ta.iiñ daaġh na samjho

phūle hiye mire siine meñ gulzār-e-mohabbat

ai shaiḳh qadam rakhiyo na is raah meñ zinhār

hai sajda shikan rishta-e-zunnār-e-mohabbat

go ham se chhupāyā bhī to bedār va lekin

ankār bhī terā hai ye iqrār-e-mohabbat

rahtā hai mirī jaañ kahīñ ishaq bhī maḳhfī

zāhir hai tirī shakl se āsār-e-mohabbat

bedar karaun kis ko mein izhaar-e-mohabbat

bas dil hai mera mahram-e-asrar-e-mohabbat

ai sham-e-dil-afroz shab-e-tar-e-mohabbat

tujh se hi hai ye garmi-e-bazar-e-mohabbat

har bul-hawas us jins ka hota nahin KHwahan

jaan baKHtagan howen KHaridar-e-mohabbat

sabit-qadam us rah mein jo hain jo shama ke manind

sar dete hain karte nahin izhaar-e-mohabbat

ai lala-ruKHan us ke tain dagh na samjho

phule hiye mere sine mein gulzar-e-mohabbat

ai shaiKH qadam rakhiyo na is rah mein zinhaar

hai sajda shikan rishta-e-zunnar-e-mohabbat

go hum se chhupaya bhi to bedar wa lekin

ankar bhi tera hai ye iqrar-e-mohabbat

rahta hai meri jaan kahin ishaq bhi maKHfi

zahir hai teri shakl se aasar-e-mohabbat