Sufinama

mere jaan-o-dil mein basa hai wahi

Benazir Shah Warsi

mere jaan-o-dil mein basa hai wahi

Benazir Shah Warsi

MORE BY Benazir Shah Warsi

    mire jān-o-dil meñ basā hai vahī

    jidhar dekhaun jalva-numā hai vahī

    vahī rāh-rau hai vahī rahnumā

    vo muqtadī muqtadā hai vahī

    vahī bād-e-sarsar vahī gard-e-rāh

    vahī reg-e-mauj-e-sabā hai vahī

    vahī manzil-e-ishq meñ mīl-rāh

    nishān-e-rah-e-mudda.ā hai vahī

    vahī sab se avval usī zuhūr

    vahī sab baanī banā hai vahī

    vahī sab sūrat vahī sab jaañ

    vahī sab se vāsil judā hai vahī

    vahī sāqī-e-mai vahī mohtasib

    vahī riñd hai pārsā hai vahī

    har ik jism meñ hai vahī bas ḳhamosh

    har āvāz meñ boltā hai vahī

    vahī ḳhud maraz hai vahī ḳhud davā

    har āzār ḳhud shifā hai vahī

    kabhī dekhtā thā maiñ nairañg-dahar

    nigāhoñ meñ ab phir rahā hai vahī

    vahī zāt-e-mutlaq vahī be-nazīr

    vahī shakl-e-insāñ ḳhudā hai vahī

    mere jaan-o-dil mein basa hai wahi

    jidhar dekhaun jalwa-numa hai wahi

    wahi rah-rau hai wahi rahnuma

    wo muqtadi muqtada hai wahi

    wahi baad-e-sarsar wahi gard-e-rah

    wahi reg-e-mauj-e-saba hai wahi

    wahi manzil-e-ishq mein mil-rah

    nishan-e-rah-e-muddaa hai wahi

    wahi sab se awwal usi ka zuhur

    wahi sab ka bani bana hai wahi

    wahi sab ki surat wahi sab ki jaan

    wahi sab se wasil juda hai wahi

    wahi saqi-e-mai wahi mohtasib

    wahi rind hai parsa hai wahi

    har ek jism mein hai wahi bas KHamosh

    har aawaz mein bolta hai wahi

    wahi KHud maraz hai wahi KHud dawa

    har aazar ki KHud shifa hai wahi

    kabhi dekhta tha main nairang-dahar

    nigahon mein ab phir raha hai wahi

    wahi zat-e-mutlaq wahi be-nazir

    wahi shakl-e-insan KHuda hai wahi

    Source:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY