KHudaya teri ta KHudai rahe

ḳhudāyā tirī tā ḳhudā.ī rahe

do-ālam meñ us kī dahā.ī rahe

tirā nuur jab tak rahe jalva-gar

yahī us kī jalva-numā.ī rahe

tū jab tak shanāsā rahe zaat kā

ye āgāh-e-ḳhud-āshnā.ī rahe

rahe terī qudrat kā jab tak amal

yahī us kī farmāñ-rāvā.ī rahe

rahe tū barī tā-qayūdāt se

ise band-e-ġham se rihā.ī rahe

terā nāḳhun-e-hukm jab tak ho tez

yahī us kī uqda-kushā.ī rahe

tirā dast-e-himmat rahe tā-buland

ye chāragar-e-be-navā.ī rahe

tirā jalva jab tak na mahdūd ho

yahī us ke dil kī samā.ī rahe

rahe vasl jab tak baqā se tujhe

na us kī hamārī judā.ī rahe

rahe nā tujhe husn par apne naaz

nisār us pe saarī ḳhudā.ī rahe

sabhī jaa.e par ḳhāliq-e-'be-nazīr'

tabī.at mirī us pe aa.ī rahe

KHudaya teri ta KHudai rahe

do-alam mein us ki dahai rahe

tera nur jab tak rahe jalwa-gar

yahī us ki jalwa-numai rahe

tu jab tak shanasa rahe zat ka

ye aagah-e-KHud-ashnai rahe

rahe teri qudrat ka jab tak amal

yahī us ki farman-rawai rahe

rahe tu bari ta-qayudat se

ise band-e-gham se rihai rahe

tera naKHun-e-hukm jab tak ho tez

yahī us ki uqda-kushai rahe

tera dast-e-himmat rahe ta-buland

ye chaaragar-e-be-nawai rahe

tera jalwa jab tak na mahdud ho

yahī us ke dil ki samai rahe

rahe wasl jab tak baqa se tujhe

na us ki hamari judai rahe

rahe na tujhe husn par apne naz

nisar us pe sari KHudai rahe

sabhi jae par KHaliq-e-'be-nazir'

tabiat meri us pe aai rahe