mohabbat ka jazb-o-asar dekhiye

mohabbat kā jazb-o-asar dekhiye

vo ḳhud lene aa.e ḳhabar dekhiye

kabhī jin ko likhte the ham shauq se

vahī aaj haiñ nāma-bar dekhiye

kisī kā vo muñh pher kar baiThnā

kisī kā vo kahnā idhar dekhiye

kajī merī qismat kī phir dekhnā

zarī apnī tirchhī nazar dekhiye

isī par hai nāz-e-nigāh-e-karam

meñ taḌpūñ idhar aap udhar dekhiye

ye āñkheñ bahut din se thiiñ farsh-e-rāh

vo aa.e haiñ ab raah par dekhiye

koī ishaq kahtā thā koī junūñ

batātā hai kyā chāra-gar dekhiye

vo āḳhir mile baat kī baat meñ

vo tuul aur ye muḳhtasar dekhiye

bahut ḳhūbsūrat haiñ yūsuf magar

zarā aap ko dekh kar dekhiye

is ā.īna-ḳhāna meñ hairat hai ye

kise dekhiye aur kidhar dekhiye

nahīñ kholte aañkh kyuuñ 'benazīr'

vo aatā hai koī udhar dekhiye

mohabbat ka jazb-o-asar dekhiye

wo KHud lene aae KHabar dekhiye

kabhi jin ko likhte the hum shauq se

wahi aaj hain nama-bar dekhiye

kisi ka wo munh pher kar baiThna

kisi ka wo kahna idhar dekhiye

kaji meri qismat ki phir dekhna

zari apni tirchhi nazar dekhiye

isi par hai naz-e-nigah-e-karam

mein taDpun idhar aap udhar dekhiye

ye aankhen bahut din se thin farsh-e-rah

wo aae hain ab rah par dekhiye

koi ishaq kahta tha koi junun

batata hai kya chaara-gar dekhiye

wo aaKHir mile baat ki baat mein

wo tul aur ye muKHtasar dekhiye

bahut KHubsurat hain yusuf magar

zara aap ko dekh kar dekhiye

is aaina-KHana mein hairat hai ye

kise dekhiye aur kidhar dekhiye

nahin kholte aankh kyun 'benazir'

wo aata hai koi udhar dekhiye