bulbul na kyun banunga main bustan-e-pir ka

bulbul na kyuuñ banūñgā maiñ bustān-e-pīr kā

dil merā ek phuul hai dukkān-e-pīr kā

sair-e-bahisht se mujhe rizvāñ nahīñ hai kaam

naqsha merī nazar meñ hai aivān-e-pīr kā

rozī kā us ke rahtā hai ravāq ko ḳhayāl

dekhe to koī martaba mehmān-e-pīr kā

tū kyā Darā.egā mujhe ai āftāb-e-hashr

saaya rahegā sar pe jo dāmān-e-pīr kā

hotā nahīñ hai sar se mere ye kabhī judā

ehsān māntā huuñ maiñ ehsān-e-pīr kā

vo ḳhuub jāntā hai ki maiñ bhī ġhulām huuñ

sachchā ḳhayāl hai mere darbān-e-pīr kā

sab muntahī samajhte haiñ mujh ko 'amīn-e-dīn'

vāris maiñ mubtadī huuñ dabistān-e-pīr kā

bulbul na kyun banunga main bustan-e-pir ka

dil mera ek phul hai dukkan-e-pir ka

sair-e-bahisht se mujhe rizwan nahin hai kaam

naqsha meri nazar mein hai aiwan-e-pir ka

rozi ka us ke rahta hai rawaq ko KHayal

dekhe to koi martaba mehman-e-pir ka

tu kya Daraega mujhe ai aaftab-e-hashr

saya rahega sar pe jo daman-e-pir ka

hota nahin hai sar se mere ye kabhi juda

ehsan manta hun main ehsan-e-pir ka

wo KHub jaanta hai ki main bhi ghulam hun

sachcha KHayal hai mere darban-e-pir ka

sab muntahi samajhte hain mujh ko 'amin-e-din'

waris main mubtadi hun dabistan-e-pir ka