gulistan aur bayaban mein tu hi tu hai tu hi tu hai

gulistāñ aur bayābāñ meñ tū hī tū hai tū hī tū hai

dil-e-ranjūr-o-shādāñ meñ tū hī tū hai tū hī tū hai

kabhī uljhā diyā ḳhud ko kabhī suljhā liyā ḳhud ko

kisī kī zulf-e-pechāñ meñ tū hī tū hai tū hī tū hai

kahīñ hai aañkh āshiq kī kahīñ dīdār-e-jānāñ hai

bahār-e-husn-e-tābāñ meñ tū hī tū hai tū hī tū hai

kabhī zamzam meñ jā Duubā kabhī gañgā meñ ā-niklā

ki hindū aur musalmāñ meñ tū hī tū hai tū hī tū hai

kahīñ tū pīr-e-maktab hai kahīñ tifl-e-abjad ḳhaañ

kitāboñ meñ dabistāñ meñ tū hī tū hai tū hī tū hai

kahīñ teacher kī ghurkī hai kahīñ shāgird kī ḳhidmat

moallim aur tiflāñ meñ tū hī tū hai tū hī tū hai

musaddas meñ muḳhammas meñ rubā.ī meñ taġhazzul meñ

ġharaz har ek dīvāñ meñ tū hī tū hai tū hī tū hai

jo DhūñDhā kausarī ne tujhko paaya har jagah yā-rab

ayaañ meñ aur nihāñ meñ tū hī tū hai tū hī tū hai

gulistan aur bayaban mein tu hi tu hai tu hi tu hai

dil-e-ranjur-o-shadan mein tu hi tu hai tu hi tu hai

kabhi uljha diya KHud ko kabhi suljha liya KHud ko

kisi ki zulf-e-pechan mein tu hi tu hai tu hi tu hai

kahin hai aankh aashiq ki kahin didar-e-jaanan hai

bahaar-e-husn-e-taban mein tu hi tu hai tu hi tu hai

kabhi zamzam mein ja Duba kabhi ganga mein aa-nikla

ki hindu aur musalman mein tu hi tu hai tu hi tu hai

kahin tu pir-e-maktab hai kahin tifl-e-abjad KHan

kitabon mein dabistan mein tu hi tu hai tu hi tu hai

kahin teacher ki ghurki hai kahin shagird ki KHidmat

moallim aur tiflan mein tu hi tu hai tu hi tu hai

musaddas mein muKHammas mein rubai mein taghazzul mein

gharaz har ek diwan mein tu hi tu hai tu hi tu hai

jo DhunDha kausari ne tujhko paya har jagah ya-rab

ayan mein aur nihan mein tu hi tu hai tu hi tu hai