sajda-guzar sehn-e-haram bhi moatakif but-KHana bhi

sajda-guzār sehn-e-haram bhī mo.atakif but-ḳhāna bhī

dil jaisā hushiyār na dekhā dil jaisā dīvāna bhī

shoḳh-nigāheñ tīkhī-chitvan bīm-o-rajā kā a.alam haiñ

dil kī duniyā ishq ke hāthoñ bastī bhī vīrāna bhī

ham nahii. to kaisī mastī shīsha kyā paimāna kyā

tishna-laboñ ke dil kyā Duube Duub gayā mai-ḳhāna bhī

dil kī bhaḌaktī aag ke sho.ale ahl-e-jahāñ se kahte haiñ

mash.al-e-rāh huā karatā hai jaltā huā kāshāna bhī

ai piine vaale amrit ke zahar ke bhī do ghūñT sahī

duniyā vaale sunte jaao dard-bharā afsāna bhī

ghar ko aag lagā kartī hai ghar ke charāġh se ai 'aslam'

jaan rahe ho jis ko apnā hai to begāna bhī

sajda-guzar sehn-e-haram bhi moatakif but-KHana bhi

dil jaisa hushiyar na dekha dil jaisa diwana bhi

shoKH-nigahen tikhi-chitwan bim-o-raja ka aalam hain

dil ki duniya ishq ke hathon basti bhi virana bhi

hum nahi to kaisi masti shisha kya paimana kya

tishna-labon ke dil kya Dube Dub gaya mai-KHana bhi

dil ki bhaDakti aag ke shoale ahl-e-jahan se kahte hain

mashal-e-rah hua karata hai jalta hua kashana bhi

ai pine wale amrit ke zahar ke bhi do ghunT sahi

duniya wale sunte jao dard-bhara afsana bhi

ghar ko aag laga karti hai ghar ke charagh se ai 'aslam'

jaan rahe ho jis ko apna hai to begana bhi