chhup is tarah ki tera aks bhi dikhai na de

chhup is tarah ki tirā aks bhī dikhā.ī na de

tirī sadā tirī āvāz bhī sunā.ī na de

vo zulmateñ haiñ rah-e-zīst meñ qadam-ba-qadam

charāġh-e-dil bhī jalā.eñ to kuchh sujhā.ī na de

is aarzū se hazar ḳhū-e-zindagī se hazar

jo tāb-o-tāqat-e-iz.hār-e-lab-kushā.ī na de

salīb-o-dār se hogā muāniqa apnā

tū mere haath meñ apnī hasīñ kalā.ī na de

thakan bhī saath hai mere thakan kā saaya bhī

mire jalāl ko ta.an-e-shikasta-pā.ī na de

huī qalam-rav-e-nazzāra nuur se ḳhālī

ba-juz dhueñ ke kahīñ raushnī dikhā.ī na de

atā huī hai qalam kī sikandarī ham ko

hamāre haath meñ tū kāsa-e-gadā.ī na de

ye mujh se kahtā hai 'aḳhtar' nigār-e-nā-ḳhvānda

ki ḳhuun meñ Duubī ziist kī duhā.ī na de

chhup is tarah ki tera aks bhi dikhai na de

teri sada teri aawaz bhi sunai na de

wo zulmaten hain rah-e-zist mein qadam-ba-qadam

charagh-e-dil bhi jalaen to kuchh sujhai na de

is aarzu se hazar KHu-e-zindagi se hazar

jo tab-o-taqat-e-izhaar-e-lab-kushai na de

salib-o-dar se hoga muaniqa apna

tu mere hath mein apni hasin kalai na de

thakan bhi sath hai mere thakan ka saya bhi

mere jalal ko tan-e-shikasta-pai na de

hui qalam-raw-e-nazzara nur se KHali

ba-juz dhuen ke kahin raushni dikhai na de

ata hui hai qalam ki sikandari hum ko

hamare hath mein tu kasa-e-gadai na de

ye mujh se kahta hai 'aKHtar' nigar-e-na-KHwanda

ki KHun mein Dubi zist ki duhai na de