dawar-e-hashr ye he hashr mein arman mujhko

dāvar-e-hashr ye hai hashr meñ armāñ mujh ko

badle jannat ke mile kūcha-e-jānāñ mujh ko

le ga.e le ga.e dil kar ga.e be-jāñ mujh ko

de ga.e de ga.e dāġh-e-ġham-e-hijrāñ mujh ko

maiñ to ka.abe kī taraf dil ko chalā thā le kar

le chalā dil taraf-e-kūcha-e-jānāñ mujh ko

ashk-shoī ġham-e-furqat meñ yūñhī hotī hai

hañs diyā karte haiñ vo dekh ke giryāñ mujh ko

jis taraf kūcha-e-qātil meñ guzar hotā hai

nazar aate haiñ udhar maut ke sāmāñ mujh ko

mirī taqdīr ki tum sā to masīhā paayā

aur phir bhī na milā dard kā darmāñ mujh ko

yuuñ akele tirā jaanā nahīñ achchhā sar-e-hashr

saath le le but-e-ġhārat-gar-e-īmāñ mujh ko

kāfir-e-ishq-e-butāñ huuñ maiñ ta.ajjub hai 'jigar'

kyuuñ musalmān samajhte haiñ musalmāñ mujh ko

dawar-e-hashr ye hai hashr mein arman mujh ko

badle jannat ke mile kucha-e-jaanan mujh ko

le gae le gae dil kar gae be-jaan mujh ko

de gae de gae dagh-e-gham-e-hijran mujh ko

main to kabe ki taraf dil ko chala tha le kar

le chala dil taraf-e-kucha-e-jaanan mujh ko

ashk-shoi gham-e-furqat mein yunhi hoti hai

hans diya karte hain wo dekh ke giryan mujh ko

jis taraf kucha-e-qatil mein guzar hota hai

nazar aate hain udhar maut ke saman mujh ko

meri taqdir ki tum sa to masiha paya

aur phir bhi na mila dard ka darman mujh ko

yun akele tera jaana nahin achchha sar-e-hashr

sath le le but-e-ghaarat-gar-e-iman mujh ko

kafir-e-ishq-e-butan hun main tajjub hai 'jigar'

kyun musalman samajhte hain musalman mujh ko