kiya tha jurm-e-wafa lazzat-e-saza ke liye

kiyā thā jurm-e-vafā lazzat-e-sazā ke liye

sitam ke lutf uThā.e maze jafā ke liye

ḳhudā kare na kisī kā umīd-vār-e-visāl

duā.eñ māñgte haiñ tark-e-mudda’ā ke liye

baḌā maza ho jo mahshar meñ ham kareñ shikvā

vo minnatoñ se kaheñ chup raho ḳhudā ke liye

zabāñ jalā.ī siye hoñT qat.a haath kiye

ye bandobast hue haiñ mirī du'ā ke liye

mire mazār ko to vo banāyā tīroñ se

bahāna ye hai ki rauzan kiye havā ke le

mile jo hashr meñ le luuñ zabān nāseh kī

'ajīb chiiz hai ye tūl-e-mudda’ā ke liye

sharīr aañkh nigah be-qarār chitvan shoḳh

tum apnī shakl to paidā kaaro hayā ke liye

nayā sitam hai sitamgar ne qatl par mere

kiyā hai jam.a raqīboñ ko marhabā ke liye

tire kahe se ham ai 'dāġh' chhoḌ deñge 'ishq

ḳhudā kā vāsta detā hai kyuuñ ḳhudā ke liye

kiya tha jurm-e-wafa lazzat-e-saza ke liye

sitam ke lutf uThae maze jafa ke liye

KHuda kare na kisi ka umid-war-e-visal

duaen mangte hain tark-e-mudda’a ke liye

baDa maza ho jo mahshar mein hum karen shikwa

wo minnaton se kahen chup raho KHuda ke liye

zaban jalai siye honT qata hath kiye

ye bandobast hue hain meri du'a ke liye

mere mazar ko to wo banaya tiron se

bahana ye hai ki rauzan kiye hawa ke le

mile jo hashr mein le lun zaban naseh ki

'ajib chiz hai ye tul-e-mudda’a ke liye

sharir aankh nigah be-qarar chitwan shoKH

tum apni shakl to paida karo haya ke liye

naya sitam hai sitamgar ne qatl par mere

kiya hai jama raqibon ko marhaba ke liye

tere kahe se hum ai 'dagh' chhoD denge 'ishq

KHuda ka wasta deta hai kyun KHuda ke liye