koi jaane to kya jaane wo yakta hai hazaron mein

koī jaane to kyā jaane vo yaktā hai hazāroñ meñ

sitam-gāroñ meñ ayāroñ meñ dil-dāroñ meñ yāroñ meñ

kisī kā dil to kyā shīsha na TuuTā bāda-ḳhvāroñ meñ

ye tauba TuuT kar kyuuñ jā milī parhezgāroñ meñ

kahāñ hai duḳht-rāzī mohtasib ham bāda-ḳhvāroñ meñ

tire Dar se vo kāfir jā chhupe parhezgāroñ meñ

milegā ba.ad mere phir na mujh-sā qadar-dāñ us ko

qiyāmat tak rahegā baḳht-e-tīra sogvāroñ meñ

huī garm-e-'inān jab hosh-o-sabr-tāb-o-'aql-o-dīñ

dil-e-be-tāb bhī dāḳhil huā pāñchoñ savāroñ meñ

jo armānoñ meñ dam merā to paikānoñ meñ dil merā

ye ḳhush hai apne yāroñ meñ vo ḳhush hai apne yāroñ meñ

farishtoñ se sar-e-roz-e-jazā takrār hotī hai

lagā rakhā hai ham ko bhī kisī ne jāñ-nisāroñ meñ

koi jaane to kya jaane wo yakta hai hazaron mein

sitam-garon mein ayaron mein dil-daron mein yaron mein

kisi ka dil to kya shisha na TuTa baada-KHwaron mein

ye tauba TuT kar kyun ja mili parhezgaron mein

kahan hai duKHt-raazi mohtasib hum baada-KHwaron mein

tere Dar se wo kafir ja chhupe parhezgaron mein

milega baad mere phir na mujh-sa qadar-dan us ko

qiyamat tak rahega baKHt-e-tira sogwaron mein

hui garm-e-'inan jab hosh-o-sabr-tab-o-'aql-o-din

dil-e-be-tab bhi daKHil hua panchon sawaron mein

jo armanon mein dam mera to paikanon mein dil mera

ye KHush hai apne yaron mein wo KHush hai apne yaron mein

farishton se sar-e-roz-e-jaza takrar hoti hai

laga rakha hai hum ko bhi kisi ne jaan-nisaron mein