dekha tujhe to kho gaya apne KHayal mein

dekhā tujhe to kho gayā apne ḳhayāl meñ

kyā ā.īne kī shaan hai tere jamāl meñ

jalvoñ meñ tere kho ga.ī duniyā nigāh kī

a.alam meñ ab jamāl hai a.alam jamāl meñ

ā.īne meñ kahāñ vo tamannā kī zīnateñ

apnā jamāl dekhiye mere ḳhayāl meñ

hai tū hī zaib-e-but-kada-e-qāl bhī magar

kuchh aur hai tū ka.aba-e-arbāb-e-hāl meñ

maanā ki hai raqīb bhī terī hī ik jihat

lāzim hai imtiyāz jamāl-o-jalāl meñ

rūThe to un pe chhā ga.ī kuchh aur bhī bahār

baiThe hue haiñ mahviyat-e-be-ḳhayāl meñ

'maikash' mire gunāh kī karāmat na pūchhiye

vo ḳhud hai sham.a mirī shab-e-infi'āl meñ

dekha tujhe to kho gaya apne KHayal mein

kya aaine ki shan hai tere jamal mein

jalwon mein tere kho gai duniya nigah ki

aalam mein ab jamal hai aalam jamal mein

aaine mein kahan wo tamanna ki zinaten

apna jamal dekhiye mere KHayal mein

hai tu hi zaib-e-but-kada-e-qal bhi magar

kuchh aur hai tu kaba-e-arbab-e-haal mein

mana ki hai raqib bhi teri hi ek jihat

lazim hai imtiyaz jamal-o-jalal mein

ruThe to un pe chha gai kuchh aur bhi bahaar

baiThe hue hain mahwiyat-e-be-KHayal mein

'maikash' mere gunah ki karamat na puchhiye

wo KHud hai shama meri shab-e-infi'al mein