dil jalwa-gah-esurat-e-jaanana ho gaya

dil jalva-gāh-esūrat-e-jānāna ho gayā

shīsha ye ek dam meñ parī-ḳhāna ho gayā

shab kyuuñ ki saltanat na kare taaj zar se sham.a

rashk-e-par-e-humā par-e-parvāna ho gayā

kaifiyatoñ se gardish-e-chashm-e-butāñ kī dil

shīsha kabhī banā kabhī paimāna ho gayā

tuġhyānī-e-sarashk se apnī bhī ba.ad-e-qais

dariyā kā paaT dāman-e-vīrāna ho gayā

zanjīr kyuuñ na us kī qasam-bos ho bhalā

jo koī tere ishaq meñ dīvāna ho gayā

yaañ tak kiyā hai shohra-e-āfāq ishq ne

qissa mirā bhī ḳhalq meñ afsāna ho gayā

kyā roiye ḳharābī-e-aqlīm-e-dil ko dekh

āñkhoñ ke dekhte hī to kyā kyā na ho gayā

saaqī kidhar phire hai tū tanhā ba-rañg-e-jām

tujh bin ḳharāb in dinoñ mai-ḳhāna ho gayā

dil jalwa-gah-esurat-e-jaanana ho gaya

shisha ye ek dam mein pari-KHana ho gaya

shab kyun ki saltanat na kare taj zar se shama

rashk-e-par-e-huma par-e-parwana ho gaya

kaifiyaton se gardish-e-chashm-e-butan ki dil

shisha kabhī bana kabhī paimana ho gaya

tughyani-e-sarashk se apni bhi baad-e-qais

dariya ka paT daman-e-virana ho gaya

zanjir kyun na us ki qasam-bos ho bhala

jo koi tere ishaq mein diwana ho gaya

yan tak kiya hai shohra-e-afaq ishq ne

qissa mera bhi KHalq mein afsana ho gaya

kya roiye KHarabi-e-aqlim-e-dil ko dekh

aankhon ke dekhte hi to kya kya na ho gaya

saqi kidhar phire hai tu tanha ba-rang-e-jam

tujh bin KHarab in dinon mai-KHana ho gaya