dil ko shisha kahun aankhon ko main paimana kahun

dil ko shīsha kahūñ āñkhoñ ko maiñ paimāna kahūñ

aap mai-ḳhāna banūñ phir tujhe mai-ḳhāna kahūñ

paa.e saaqī se hai sābit qadmīñ hastī meñ

sajda-e-shukr ko maiñ laġhzish-e-mastāna kahūñ

ek hī aag hai do naam se do samt lagī

sho.al-e-sham.a ko soz-e-dil-e-parvāna kahūñ

ḳhalq-saudā-zāda-e-dair-o-haram hai lekin

hai koī in meñ jise maiñ terā dīvāna kahūñ

kuchh bhī dekhā na gayā dekhne vāloñ se 'zhīn'

kyuuñ na jalvoñ ko ruḳh-e-jānā kahūñ

dil ko shisha kahun aankhon ko main paimana kahun

aap mai-KHana banun phir tujhe mai-KHana kahun

pae saqi se hai sabit qadmin hasti mein

sajda-e-shukr ko main laghzish-e-mastana kahun

ek hi aag hai do nam se do samt lagi

shoal-e-shama ko soz-e-dil-e-parwana kahun

KHalq-sauda-zada-e-dair-o-haram hai lekin

hai koi in mein jise main tera diwana kahun

kuchh bhi dekha na gaya dekhne walon se 'zhin'

kyun na jalwon ko ruKH-e-jaana kahun