dil ne to ulfat-e-pinhan ko na asla khola

dil ne to ulfat-e-pinhāñ ko na aslā kholā

chashm-e-tar tū ne merā haif ye pardā kholā

aah kuchh ham ko na thī fursat-e-yak-dam kī ḳhabar

ai habāb-e-lab-e-jū tū ne ye uqdā kholā

band band us kī judā kiije yahī hai jī meñ

jān-e-man band-e-qabā jis ne tumhārā kholā

sar-e-ushshāq pe kyūñkar na balā nāzil ho

tū ne ai rashk-e-parī shaam ko joḌā kholā

qaid-e-ulfat meñ vo hai chiiñ ki qumrī ne aah

apnī gardan kā na minqār se phandā kholā

kaT gayā panja-e-mehr-e-shafaq ālūd-e-sahar

tū ne kyā dast-e-hinā-basta-e-nigārā kholā

ye bhī qismat kā likhā apnī ki us ne yaaro

le ke ḳhat haath se qāsid kī na merā kholā

dil ne to ulfat-e-pinhan ko na asla khola

chashm-e-tar tu ne mera haif ye parda khola

aah kuchh hum ko na thī fursat-e-yak-dam ki KHabar

ai habab-e-lab-e-ju tu ne ye uqda khola

band band us ki juda kije yahī hai ji mein

jaan-e-man band-e-qaba jis ne tumhaara khola

sar-e-ushshaq pe kyunkar na bala nazil ho

tu ne ai rashk-e-pari sham ko joDa khola

qaid-e-ulfat mein wo hai chin ki qumri ne aah

apnī gardan ka na minqar se phanda khola

kaT gaya panja-e-mehr-e-shafaq aalud-e-sahar

tu ne kya dast-e-hina-basta-e-nigara khola

ye bhi qismat ka likha apni ki us ne yaro

le ke KHat hath se qasid ki na mera khola