dil salāmat agar apnā hai to dildār bahut

dil salāmat agar apnā hai to dildār bahut

hai ye vo jins ki jis ke haiñ ḳharīdār bahut

ek maiñ hī tire kūche meñ nahīñ huuñ betāb

sar paTakte haiñ ḳhabar le pas-e-dīvār bahut

dekhiye kis ke lage haath tirā gauhar-e-vasl

is tamannā meñ to phirte haiñ talabgār bahut

kahīñ nargis ko magar tū ne dikhā.īñ āñkheñ

nahīñ bachte nazar aate haiñ ye bīmār bahut

kyā karūñ kis se kahūñ haal kidhar ko jā.ūñ

tañg aayā huuñ tire haath se dildār bahut

apne āshiq se kiyā pūchho to kaise ye sulūk

aur bhī shahr meñ haiñ tujh se trahdār bahut

tire aate to koī phuul na hogā sarsabz

kyā huā baaġh meñ go phūle the gulzār bahut

ek din tujh ko dikhā.ūñgā maiñ in ḳhūbāñ ko

dāvā-e-yūsufī karte to haiñ iz.hār bahut

jurm-e-bosa pe jo 'bedār' ko maarā maarā

na karo jaane do is baat pe takrār bahut

dil salāmat agar apnā hai to dildār bahut

hai ye wo jins ki jis ke haiñ ḳharīdār bahut

ek maiñ hī tere kūche meñ nahīñ huñ betāb

sar paTakte haiñ ḳhabar le pas-e-dīwār bahut

dekhiye kis ke lage hath tirā gauhar-e-wasl

is tamannā meñ to phirte haiñ talabgār bahut

kahīñ nargis ko magar tū ne dikhāīñ āñkheñ

nahīñ bachte nazar aate haiñ ye bīmār bahut

kyā karūñ kis se kahūñ haal kidhar ko jāūñ

tañg aayā huñ tere hath se dildār bahut

apne āshiq se kiyā pūchho to kaise ye sulūk

aur bhī shahr meñ haiñ tujh se trahdār bahut

tere aate to koī phul na hogā sarsabz

kyā huā baġh meñ go phūle the gulzār bahut

ek din tujh ko dikhāūñgā maiñ in ḳhūbāñ ko

dāwā-e-yūsufī karte to haiñ izhār bahut

jurm-e-bosa pe jo 'bedār' ko marā marā

na karo jaane do is baat pe takrār bahut