dil yahan bhi mubtala-e-zulf-e-pechan ho gaya

dil yahāñ bhī mubtalā-e-zulf-e-pechāñ ho gayā

ḳhanā-e-ahbāb bhī 'aughaT' ko zindāñ ho gayā

phañs gayā dil ek tifl-e-mahjabīñ ke daam meñ

jis ko ham daanā samajhte the vo nādāñ ho gayā

sab dar-o-dīvār vahshat-nāk aate haiñ nazar

ham ko ai majnūñ hamārā ghar bayābāñ ho gayā

vo rahe āñkhoñ meñ merī maiñ na dekhūñ ġhair ko

ye hamāre aur un ke ahd-o-paimāñ ho gayā

sañg-bosī kī haram meñ shaiḳh ne to hai savāb

ham agar bosa butoñ kā leñ to isyāñ ho gayā

jab koī saḳhtī paḌī aur ham ne yā-'vāris' kahā

kaam jo mushkil nazar aatā thā āsāñ ho gayā

hai ḳhudā ki shaan 'aughaT' sā musalmāñ aadmī

un butoñ kī yād-e-ulfat meñ bad-īmāñ ho gayā

dil yahan bhi mubtala-e-zulf-e-pechan ho gaya

KHana-e-ahbab bhi 'aughaT' ko zindan ho gaya

phans gaya dil ek tifl-e-mahjabin ke dam mein

jis ko hum dana samajhte the wo nadan ho gaya

sab dar-o-diwar wahshat-nak aate hain nazar

hum ko ai majnun hamara ghar bayaban ho gaya

wo rahe aankhon mein meri main na dekhun ghair ko

ye hamare aur un ke ahd-o-paiman ho gaya

sang-bosi ki haram mein shaiKH ne to hai sawab

hum agar bosa buton ka len to isyan ho gaya

jab koi saKHti paDi aur hum ne ya-'waris' kaha

kaam jo mushkil nazar aata tha aasan ho gaya

hai KHuda ki shan 'aughaT' sa musalman aadmi

un buton ki yaad-e-ulfat mein bad-iman ho gaya