do ghunT piwe shaiKH agar tu sharab ke

do ghūñT piive shaiḳh agar tū sharāb ke

uTh jaa.eñ yak-ba-yak abhī parde hijāb ke

lohū ke āñsuoñ se rulātā hai dam-ba-dam

gun pūchhte ho kyā dil-e-ḳhāna-ḳharāb ke

partav jo tere chehre kā dariyā meñ jā paḌā

rote hī rote bah ga.e diide habāb ke

is māh-rū ke mehr par maġhrūr tū na ho

chakkhe nahīñ maze abhī dil ke kabāb ke

ḳhūbāñ se 'ishq' chun liyā apne harīf ko

dīvāne kyuuñ na hoveñ tire intiḳhāb ke

do ghunT piwe shaiKH agar tu sharab ke

uTh jaen yak-ba-yak abhi parde hijab ke

lohu ke aansuon se rulata hai dam-ba-dam

gun puchhte ho kya dil-e-KHana-KHarab ke

partaw jo tere chehre ka dariya mein ja paDa

rote hi rote bah gae dide habab ke

is mah-ru ke mehr par maghrur tu na ho

chakkhe nahin maze abhi dil ke kabab ke

KHuban se 'ishq' chun liya apne harif ko

diwane kyun na howen tere intiKHab ke