ye idhar ki bhi udhar ki bhi KHabar rakhte hain

ye idhar kī bhī udhar kī bhī ḳhabar rakhte haiñ

sirf nazdīk nahīñ kosoñ nazar rakhte haiñ

ḳhanjar-o-teġh kī un ko to zarūrat hī nahīñ

apne kirdār se duniyā pe asar rakhte haiñ

nisbatī ḳhushbū milī jab se gul-e-nashtar kī

tab se ḳhushbū se bharī shām-o-sahar rakhte haiñ

apne aiboñ pe nazar jaatī nahīñ hai lekin

saare ilzām zamāne ke hī sar rakhte haiñ

ye jahāñ yuuñ hī masīhā nahīñ kahtā hai unheñ

saikḌoñ chāragaroñ kā ye hunar rakhte haiñ

baat donoñ kī yaqīnan hī banegī yaaro

husn tum rakhte ho ham husn-e-nazar rakhte haiñ

ye bhī aulād-e-alī kī hī 'ziyā' kā hai asar

ham añdheroñ se bhī laḌne kā jigar rakhte haiñ

ye idhar ki bhi udhar ki bhi KHabar rakhte hain

sirf nazdik nahin koson nazar rakhte hain

KHanjar-o-tegh ki un ko to zarurat hi nahin

apne kirdar se duniya pe asar rakhte hain

nisbati KHushbu mili jab se gul-e-nashtar ki

tab se KHushbu se bhari sham-o-sahar rakhte hain

apne aibon pe nazar jati nahin hai lekin

sare ilzam zamane ke hi sar rakhte hain

ye jahan yun hi masiha nahin kahta hai unhen

saikDon chaaragaron ka ye hunar rakhte hain

baat donon ki yaqinan hi banegi yaro

husn tum rakhte ho hum husn-e-nazar rakhte hain

ye bhi aulad-e-ali ki hi 'ziya' ka hai asar

hum andheron se bhi laDne ka jigar rakhte hain