wo KHwabon se manzar suhane lage hain

vo ḳhvāboñ se manzar suhāne lage haiñ

samundar meñ dariyā nahāne lage haiñ

sharāfat matānat amānat diyānat

ye dastūr saare purāne lage haiñ

mirī aarzū ko nichoḌā jo us ne

to kuchh hosh mere Thikāne lage haiñ

tū hī kuchh batā ai mirī zindagī ab

tire naaz ham kyuuñ uThāne lage haiñ

sharāfat kahāñ gum huī tū na jaane

tujhe pālne ik zamāne lage haiñ

kareñ bhī to kis kis kā ham e'tibār ab

baḌe ḳhud-ġharaz dostāne lage haiñ

ujāloñ kī ḳhairāt ham ko na dījiye

añdhere hameñ raas aane lage haiñ

ḳhayāloñ kī is bhiiḌ meñ in dinoñ ham

ka.ī sher kahne sunāne lage haiñ

use ham ne dekhā hai 'jāved' jab se

taḳhayyul ke par phaḌphaḌā ne lage haiñ

wo KHwabon se manzar suhane lage hain

samundar mein dariya nahane lage hain

sharafat matanat amanat diyanat

ye dastur sare purane lage hain

meri aarzu ko nichoDa jo us ne

to kuchh hosh mere Thikane lage hain

tu hi kuchh bata ai meri zindagi ab

tere naz hum kyun uThane lage hain

sharafat kahan gum hui tu na jaane

tujhe palne ek zamane lage hain

kareñ bhi to kis kis ka hum e'tibar ab

baDe KHud-gharaz dostane lage hain

ujalon ki KHairaat hum ko na dijiye

andhere hamein ras aane lage hain

KHayalon ki is bhiD mein in dinon hum

kai sher kahne sunane lage hain

use hum ne dekha hai 'jawed' jab se

taKHayyul ke par phaDphaDa ne lage hain