ai paikar-e-jamal ghazal kah raha hun main

ai paikar-e-jamāl ġhazal kah rahā huuñ maiñ

hokar bahut nihāl ġhazal kah rahā huuñ maiñ

bas ik jhalak ne aap kā dīvāna kar diyā

dil kā burā hai haal ġhazal kah rahā huuñ maiñ

shāne se tere dekh kahīñ ye Dhulak na jaa.e

āñchal zarā sambhāl ġhazal kah rahā huuñ maiñ

shānoñ pe tere zulf ko lahrātā dekh luuñ

kākul bhī kuchh nikāl ġhazal kah rahā huuñ maiñ

saj dhaj ke mere sāmne aayā kaaro na tum

ya.anī bichhā ke jaal ġhazal kah rahā huuñ maiñ

kuchh der aur yūñhī mire sāmne Thahar

ai masdar-e-kHayāl ġhazal kah rahā huuñ maiñ

'jāved' us ke lab ke tabassum kī dil-kashī

kar de na kuchh kamāl ġhazal kah rahā huuñ maiñ

ai paikar-e-jamal ghazal kah raha hun main

hokar bahut nihaal ghazal kah raha hun main

bas ek jhalak ne aap ka diwana kar diya

dil ka bura hai haal ghazal kah raha hun main

shane se tere dekh kahin ye Dhulak na jae

aanchal zara sambhaal ghazal kah raha hun main

shanon pe tere zulf ko lahraata dekh lun

kakul bhi kuchh nikal ghazal kah raha hun main

saj dhaj ke mere samne aaya karo na tum

yani bichha ke jal ghazal kah raha hun main

kuchh der aur yunhi mere samne Thahar

ai masdar-e-kHayal ghazal kah raha hun main

'jawed' us ke lab ke tabassum ki dil-kashi

kar de na kuchh kamal ghazal kah raha hun main