ehtiyaj-e-zindagani aur hai

ehtiyāj-e-zindagānī aur hai

iqtizā-e-āsmānī aur hai

is sarā se kuuch hai vaqt-e-sahar

rāt-bhar kī mehmānī aur hai

ham samajhte haiñ tumhāre dil kī baat

ye zabān-e-be-zabānī aur hai

ġhota-zan hushiyār bahr-e-ishq se

is meñ aage baḌh ke paanī aur hai

phir vo aa jaatā kisī din qabr par

ik nishān-e-be-nishānī aur hai

ārzūoñ meñ baqā-e-umr-e-ḳhizar

sarguzasht-e-dār-e-fānī aur hai

fikr-e-'ġhālib' kyuuñ na ġhālib ham pe ho

'arsh' un kī ḳhush-bayānī aur hai

ehtiyaj-e-zindagani aur hai

iqtiza-e-asmani aur hai

is sara se kuch hai waqt-e-sahar

raat-bhar ki mehmani aur hai

hum samajhte hain tumhaare dil ki baat

ye zaban-e-be-zabani aur hai

ghota-zan hushiyar bahr-e-ishq se

is mein aage baDh ke pani aur hai

phir wo aa jata kisi din qabr par

ek nishan-e-be-nishani aur hai

aarzuon mein baqa-e-umr-e-KHizar

sarguzasht-e-dar-e-fani aur hai

fikr-e-'ghaalib' kyun na ghaalib hum pe ho

'arsh' un ki KHush-bayani aur hai