Sufinama

ek jalwe ki hawas wo dam-e-rehlat bhi nahin

Aasi Ghazipuri

ek jalwe ki hawas wo dam-e-rehlat bhi nahin

Aasi Ghazipuri

MORE BYAasi Ghazipuri

    ek jalve havas vo dam-e-rehlat bhī nahīñ

    kuchh mohabbat nahīñ zālim to muravvat bhī nahīñ

    yaar se kahiye ki furqat hai to furqat bhī nahīñ

    aur nisbat meñ hai tamīz to vaslat bhī nahīñ

    us ke kūche meñ kahāñ kashmakash-e-bīm-o-rajā

    ḳhauf-e-dozaḳh bhī nahīñ ḳhvāhish-e-jannat bhī nahīñ

    chaman-e-sīna-e-pur-dāġh meñ terā jalva

    yaar qābil tire gul-gasht ke jannat bhī nahīñ

    jo diyā ne vo sab tere liye kho baiThī

    haañ agar shukr nahīñ hai to shikāyat bhī nahīñ

    zauq-e-mastī mazammat na kar itnī ai shaiḳh

    kyā tujhe nashsha-e-zauq-e-mai-e-ulfat bhī nahīñ

    ain ma.anī hai vo dil āshiq-e-ma.anī jo huā

    haa.e vo log jo dil-dāda-e-sūrat bhī nahīñ

    be-niyāzī bhī uThā luuñ maiñ tire naaz tarah

    kyā vo tāqat na rahī mujh meñ to himmat bhī nahīñ

    un ko kis muñh se maiñ nazāragī-e-dost kahūñ

    sūrat-e-ā.ina jin āñkhoñ ko hairat bhī nahīñ

    kis tarah kahiye ki dīdār dikhāyā us ne

    bāġh-e-jannat bhī nahīñ roz-e-qayāmat bhī nahīñ

    zohd-o-taqvā-o-islāh dar husn-e-amal

    kuchh nahīñ mujh meñ magar kyā tirī rahmat bhī nahīñ

    ai tamannā-e-mai-e-aish ye mai-ḳhāna-e-dahr

    jā-e-daur-e-mai-e-rañgīnī-e-sohbat bhī nahīñ

    jazb-e-kāmil se use khīñch lo ai hazrat-e-dil

    kaise darvesh ho kuchh tum meñ karāmat bhī nahīñ

    hosh-rafta dam-e-nazzāra ye fariyādī the

    haa.e dīdār sūrat dam-e-ruḳhsat bhī nahīñ

    ḳhāk-bezī-e-rah-e-ishq meñ ye baat chhanī

    jis ko zillat nahīñ us ko kabhī izzat bhī nahīñ

    kabhī 'āsī' se ham-āġhosh na dekhā tujh ko

    asar-e-jazba-e-dil-e-ahl-e-mohabbat bhī nahīñ

    ek jalwe ki hawas wo dam-e-rehlat bhi nahin

    kuchh mohabbat nahin zalim to murawwat bhi nahin

    yar se kahiye ki furqat hai to furqat bhi nahin

    aur nisbat mein hai tamiz to waslat bhi nahin

    us ke kuche mein kahan kashmakash-e-bim-o-raja

    KHauf-e-dozaKH bhi nahin KHwahish-e-jannat bhi nahin

    chaman-e-sina-e-pur-dagh mein tera jalwa

    yar qabil tere gul-gasht ke jannat bhi nahin

    jo diya tu ne wo sab tere liye kho baiThi

    han agar shukr nahin hai to shikayat bhi nahin

    zauq-e-masti ki mazammat na kar itni ai shaiKH

    kya tujhe nashsha-e-zauq-e-mai-e-ulfat bhi nahin

    ain mani hai wo dil aashiq-e-mani jo hua

    hae wo log jo dil-dada-e-surat bhi nahin

    be-niyazi bhi uTha lun main tere naz ki tarah

    kya wo taqat na rahi mujh mein to himmat bhi nahin

    un ko kis munh se main nazaragi-e-dost kahun

    surat-e-aina jin aankhon ko hairat bhi nahin

    kis tarah kahiye ki didar dikhaya us ne

    bagh-e-jannat bhi nahin roz-e-qayamat bhi nahin

    zohd-o-taqwa-o-islah dar husn-e-amal

    kuchh nahin mujh mein magar kya teri rahmat bhi nahin

    ai tamanna-e-mai-e-aish ye mai-KHana-e-dahr

    ja-e-daur-e-mai-e-rangini-e-sohbat bhi nahin

    jazb-e-kaamil se use khinch lo ai hazrat-e-dil

    kaise darwesh ho kuchh tum mein karamat bhi nahin

    hosh-rafta dam-e-nazzara ye fariyaadi the

    hae didar ki surat dam-e-ruKHsat bhi nahin

    KHak-bezi-e-rah-e-ishq mein ye baat chhani

    jis ko zillat nahin us ko kabhi izzat bhi nahin

    kabhi 'asi' se ham-aghosh na dekha tujh ko

    asar-e-jazba-e-dil-e-ahl-e-mohabbat bhi nahin

    Source :
    • Book : Diwan-e-aasi (Pg. 39)
    • Author : Aasi Ghazipuri
    • Publication : Subhanallah Azeem Gorakhpuri (1938)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY