uski chashm-e-mast se chhalke hai wo sahba-e-hosh

us kī chashm-e-mast se chhalke hai vo sahbā-e-hosh

bante jaate haiñ junūñ ke jaam bhī mīnā-e-hosh

hosh ko behoshiyoñ kā hosh kuchh aatā nahīñ

hosh ko be-hoshiyoñ kā kaash kuchh aa jaa.e hosh

mā.il-e-āsūdgī qais-e-junūñ ko dekh kar

ehtiyātan hosh ke mahmil meñ hai laila-e-hosh

chauñkte haiñ aise un ko dekh kar ahl-e-jamāl

daf’atan jaise kisī behosh ko aa jaa.e hosh

ham nazar apnī bachā kar chal rahe haiñ is liye

vo samajh baiThe haiñ apne aap ko bābā-e-hosh

ban mo'ammā-e-junūñ aisā jo 'amjad' hal na ho

ḳhud ulajh jaa.e agar tujh ko kabhī suljhā.e hosh

us ki chashm-e-mast se chhalke hai wo sahba-e-hosh

bante jate hain junun ke jam bhi mina-e-hosh

hosh ko behoshiyon ka hosh kuchh aata nahin

hosh ko be-hoshiyon ka kash kuchh aa jae hosh

mail-e-asudgi qais-e-junun ko dekh kar

ehtiyatan hosh ke mahmil mein hai laila-e-hosh

chaunkte hain aise un ko dekh kar ahl-e-jamal

daf’atan jaise kisi behosh ko aa jae hosh

hum nazar apni bacha kar chal rahe hain is liye

wo samajh baiThe hain apne aap ko baba-e-hosh

ban mo'amma-e-junun aisa jo 'amjad' hal na ho

KHud ulajh jae agar tujh ko kabhi suljhae hosh