Sufinama

falak se dad pa ja۔un adalat ho to aisi ho

Aasi Ghazipuri

falak se dad pa ja۔un adalat ho to aisi ho

Aasi Ghazipuri

MORE BYAasi Ghazipuri

    falak se daad jā۔ūñ adālat ho to aisī ho

    judā hote haiñ vo ham se qayāmat ho to aisī ho

    ruḳh-e-ma.anī dikhā.ī de jo sūrat ho to aisī ho

    dil-e-sāf ā.īna ban jaa.e hairat ho to aisī ho

    dil-e-be-mudda.ā paayā jo daulat ho to aisī ho

    ḳhudā se phir na kuchh māñgā qanā.at ho to aisī ho

    mirā har harf niklā sho.ala-zār-e-vādī-e-aiman

    bahār-e-rañg-e-jalva-e-tabī.at ho to aisī ho

    marūñ bhī ab ki saañs aane gunjā.ish nahīñ baaqī

    hujūm-e-yās siine meñ kasrat ho to aisī ho

    ham aise ġharq-e-dariyā-e-gunah jannat meñ nikle

    tavān-e-latma-e-mauj-e-shafā.at ho to aisī ho

    qad-e-ḳham hai garebāñ-gīr kanThā ban ke qātil

    magar be-tābī-e-zauq-e-shahādat ho to aisī ho

    farishte sar jhukā.eñ tere sajda ko tavāzo.a se

    sun o miTTī ke putle ādamiyat ho to aisī ho

    agar daanā milā paanī na tifl-e-ashk ne māñgā

    vahī daanā vahī paanī qanā.at ho to aisī ho

    na din-bhar chain aatā hai na niiñd aatī hai rātoñ ko

    kisī ke haal par un ināyat ho to aisī ho

    ta.ajjub hai ki tujh ko apne siine meñ na kyuuñ DhūñDhā

    kisī ko apnī hastī se jo ġhaflat ho to aisī ho

    dil-e-kāfir añdhiyārī ma.āz-allāh ma.āz-allāh

    magar tārīkī-e-shab-hā-e-furqat ho to aisī ho

    jahāñ milne Thahre mujh se maiñ bhī ai sanam gum huuñ

    sivā tere na ho koī jo ḳhalvat ho to aisī ho

    girā jo qatra-e-ḳhūñ lāla-zār-e-dāġh-e-hasrat hai

    magar shādābī-e-rañg-e-shahādat ho to aisī ho

    pukārā us ne apnā naam le kar raat 'āsī' ko

    nahīñ ab kuchh bhī ġhairiyat mohabbat ho to aisī ho

    falak se dad pa ja۔un adalat ho to aisi ho

    juda hote hain wo hum se qayamat ho to aisi ho

    ruKH-e-mani dikhai de jo surat ho to aisi ho

    dil-e-saf aaina ban jae hairat ho to aisi ho

    dil-e-be-muddaa paya jo daulat ho to aisi ho

    KHuda se phir na kuchh manga qanaat ho to aisi ho

    mera har harf nikla shoala-zar-e-wadi-e-aiman

    bahaar-e-rang-e-jalwa-e-tabiat ho to aisi ho

    marun bhi ab ki sans aane ki gunjaish nahin baqi

    hujum-e-yas ki sine mein kasrat ho to aisi ho

    hum aise gharq-e-dariya-e-gunah jannat mein ja nikle

    tawan-e-latma-e-mauj-e-shafaat ho to aisi ho

    qad-e-KHam hai gareban-gir kanTha ban ke qatil ka

    magar be-tabi-e-zauq-e-shahadat ho to aisi ho

    farishte sar jhukaen tere sajda ko tawazoa se

    sun o miTTi ke putle aadamiyat ho to aisi ho

    agar dana mila pani na tifl-e-ashk ne manga

    wahi dana wahi pani qanaat ho to aisi ho

    na din-bhar chain aata hai na nind aati hai raaton ko

    kisi ke haal par un ki inayat ho to aisi ho

    tajjub hai ki tujh ko apne sine mein na kyun DhunDha

    kisi ko apni hasti se jo ghaflat ho to aisi ho

    dil-e-kafir ki andhiyari maaz-allah maaz-allah

    magar tariki-e-shab-ha-e-furqat ho to aisi ho

    jahan milne ki Thahre mujh se main bhi ai sanam gum hun

    siwa tere na ho koi jo KHalwat ho to aisi ho

    gira jo qatra-e-KHun lala-zar-e-dagh-e-hasrat hai

    magar shadabi-e-rang-e-shahadat ho to aisi ho

    pukara us ne apna nam le kar raat 'asi' ko

    nahin ab kuchh bhi ghairiyat mohabbat ho to aisi ho

    Source :
    • Book : Diwan-e-aasi (Pg. 45)
    • Author : Aasi Ghazipuri
    • Publication : Subhanallah Azeem Gorakhpuri (1938)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY