uTha parda to mahshar bhi uThega dida-e-dil mein

uThā parda to mahshar bhī uThegā dīda-e-dil meñ

qayāmat chhup ke baiThī hai naqāb-e-rū-e-qātil haiñ

'ayāñ hai donoñ 'āriz par ye kyā tāsīr hai til meñ

biThā rakkhā hai kyuuñ kāfir musalmānoñ kī mahfil meñ

tum apne aap ko rusvā.ī se kaise bachāoge

agar tasvīr khiñch aa.ī tumhārī chashm-e-bismil meñ

vahī josh jinnoñ ab tak vahī hai ishaq kī duniyā

vahī sahrā vahī majnūñ vahī lailā hai mahmil meñ

mujhe tum se shikāyat hai na duniyā se koī shikva

merī taqdīr laa.ī mujh ko rusvā.ī kī manzil meñ

sukūñ kī justujū meñ ashk aa pahuñche haiñ palkoñ tak

panāheñ DhūñDtī hai mauj-e-āġhosh-e-sāhil haiñ

qayāmat ho ga.ī kā'ba meñ aa.ī yaad us but kī

'fanā' ham ban ga.e kāfir ḳhudā vāloñ kī mahfil meñ

uTha parda to mahshar bhi uThega dida-e-dil mein

qayamat chhup ke baiThi hai naqab-e-ru-e-qatil hain

'ayan hai donon 'ariz par ye kya tasir hai til mein

biTha rakkha hai kyun kafir musalmanon ki mahfil mein

tum apne aap ko ruswai se kaise bachaoge

agar taswir khinch aai tumhaari chashm-e-bismil mein

wahi josh jinnon ab tak wahi hai ishaq ki duniya

wahi sahra wahi majnun wahi laila hai mahmil mein

mujhe tum se shikayat hai na duniya se koi shikwa

meri taqdir lai mujh ko ruswai ki manzil mein

sukun ki justuju mein ashk aa pahunche hain palkon tak

panahen DhunDti hai mauj-e-aghosh-e-sahil hain

qayamat ho gai ka'ba mein aai yaad us but ki

'fana' hum ban gae kafir KHuda walon ki mahfil mein