shama-e-mahfil hun na main surat-e-parwana hun

sham.a-e-mahfil huuñ na maiñ sūrat-e-parvāna huuñ

ai sanam maiñ to tire husn kā dīvāna huuñ

maiñ ne pī lī hai tire mast nigāhoñ kī sharāb

ab mujhe hosh na aa.egā vo mastāna huuñ

tujh se nisbat hai tirā 'ishq hai īmān mirā

tū sanam hai tū parastār-e-sanam-ḳhāna huuñ

tū tamāshā.ī na ban mujh ko tamāsha na banā

terā dīvāna thā ab bhī terā dīvāna huuñ

tū hī maz.hab tū hī īmān tū hī hāsil-e-nisbat

maiñ tere 'ishq meñ har chiiz se begāna huuñ

kyuuñ sunāte ho mujhe dair-o-haram ke qisse

maiñ to har vaqt fidā-e-rukH-e-jānāna huuñ

ai fanā jab se milā sañg-e-dar-e-yār mujhe

be-niyāz haram-o-kā'ba-o-but-kHāna huuñ

shama-e-mahfil hun na main surat-e-parwana hun

ai sanam main to tere husn ka diwana hun

main ne pi li hai tere mast nigahon ki sharab

ab mujhe hosh na aaega wo mastana hun

tujh se nisbat hai tera 'ishq hai iman mera

tu sanam hai tu parastar-e-sanam-KHana hun

tu tamashai na ban mujh ko tamasha na bana

tera diwana tha ab bhi tera diwana hun

tu hi mazhab tu hi iman tu hi hasil-e-nisbat

main tere 'ishq mein har chiz se begana hun

kyun sunate ho mujhe dair-o-haram ke qisse

main to har waqt fida-e-rukH-e-jaanana hun

ai fana jab se mila sang-e-dar-e-yar mujhe

be-niyaz haram-o-ka'ba-o-but-kHana hun