jo tere husn pe miT jae wo parwana banun

jo tere husn pe miT jaa.e vo parvāna banūñ

mere jānāñ maiñ tere 'ishq kā afsāna banūñ

bandagī kā vo salīqa de mujhe banda-navāz

miT bhī jā.ūñ to sañg-e-dar-e-jānāna banūñ

'ishq ne kar diyā majbūr yahāñ tak mujh ko

jaan us but pe fidā kar ke maiñ but-ḳhāna banūñ

itnī chāhat hai mujhe ai mere mahbūb terī

tū jo ban jaa.e sanam maiñ bhī sanam-ḳhāna banūñ

'ishq-e-mahbūb kuchh is tarh miTā.e mujh ko

ai 'fanā' ho ke fanā jalva-e-jānāna banūñ

jo tere husn pe miT jae wo parwana banun

mere jaanan main tere 'ishq ka afsana banun

bandagi ka wo saliqa de mujhe banda-nawaz

miT bhi jaun to sang-e-dar-e-jaanana banun

'ishq ne kar diya majbur yahan tak mujh ko

jaan us but pe fida kar ke main but-KHana banun

itni chahat hai mujhe ai mere mahbub teri

tu jo ban jae sanam main bhi sanam-KHana banun

'ishq-e-mahbub kuchh is tarh miTae mujh ko

ai 'fana' ho ke fana jalwa-e-jaanana banun