dil ishq mein hota hai mail-ba-fughan pahle

dil ishq meñ hotā hai mā.il-ba-fuġhāñ pahle

jab aag sulagtī hai uThtā hai dhuāñ pahle

iz.hār-e-tamannā se husn aur nikhar aayā

thī un kī adāoñ meñ ye baat kahāñ pahle

tanqīd-e-gulistāñ kā haq hai mire hoñToñ ko

maiñ ne hī qafas meñ bhī kholī thī zabāñ pahle

har zarf ke mai-kash haiñ har kaif kī sahbā hai

is vāste piitā hai ḳhud pīr-e-muġhāñ pahle

ham apne nasheman ke anjām se vāqif haiñ

yā barq-e-tapāñ āḳhir yā barq-e-tapāñ pahle

abrū pe bal aate hī hotī hai nazar barham

jab tiir nikaltā hai khiñchtī hai kamāñ pahle

dil ishq mein hota hai mail-ba-fughan pahle

jab aag sulagti hai uThta hai dhuan pahle

izhaar-e-tamanna se husn aur nikhar aaya

thi un ki adaon mein ye baat kahan pahle

tanqid-e-gulistan ka haq hai mere honTon ko

main ne hi qafas mein bhi kholi thi zaban pahle

har zarf ke mai-kash hain har kaif ki sahba hai

is waste pita hai KHud pir-e-mughan pahle

hum apne nasheman ke anjam se waqif hain

ya barq-e-tapan aaKHir ya barq-e-tapan pahle

abru pe bal aate hi hoti hai nazar barham

jab tir nikalta hai khinchti hai kaman pahle