hum aagahi-e-ishq ka afsana kahenge

ham āgahī-e-ishq kā afsāna kaheñge

kuchh aql ke maare hameñ dīvāna kaheñge

rahtā hai vahāñ zikr-e-tahūr-o-mai-e-kausar

ham aaj se ka.aba ko bhī mai-ḳhāna kaheñge

unvān badal deñge faqat aap kī ḳhātir

ham jab bhī kaheñge yahī afsāna kaheñge

parvāna ko ham sham.a samajhte haiñ sar-e-shām

hañgām-e-sahar sham.a ko parvāna kaheñge

sar rakh ke tire paañv pe ham karte haiñ shikva

kuchh log ise sajda-e-shukrāna kaheñge

ban jā.egā allāh kā ghar ḳhud hī kisī din

filhāl 'fanā' ko sanam-ḳhāna kaheñge

hum aagahi-e-ishq ka afsana kahenge

kuchh aql ke mare hamein diwana kahenge

rahta hai wahan zikr-e-tahur-o-mai-e-kausar

hum aaj se kaba ko bhi mai-KHana kahenge

unwan badal denge faqat aap ki KHatir

hum jab bhi kahenge yahi afsana kahenge

parwana ko hum shama samajhte hain sar-e-sham

hangam-e-sahar shama ko parwana kahenge

sar rakh ke tere panw pe hum karte hain shikwa

kuchh log ise sajda-e-shukrana kahenge

ban jaega allah ka ghar KHud hi kisi din

filhaal 'fana' ko sanam-KHana kahenge