ahl-e-dair-o-haram rah gae

ahl-e-dair-o-haram rah ga.e

tire dīvāne kam rah ga.e

manzileñ duur hotī ga.iiñ

fāsle kam se kam rah ga.e

be-takalluf vo auroñ se haiñ

naaz uThāne ko ham rah ga.e

jab bhī ḳhat likhne baiThe unheñ

sirf le kar qalam rah ga.e

dekh kar terī tasvīr ko

ā.īna ban ke ham rah ga.e

maiñ ne har shai sañvārī magar

un kī zulfoñ ke ḳham rah ga.e

ai 'fanā' terī taqdīr meñ

saarī duniyā ke ġham rah ga.e

ahl-e-dair-o-haram rah gae

tere diwane kam rah gae

manzilen dur hoti gain

fasle kam se kam rah gae

be-takalluf wo auron se hain

naz uThane ko hum rah gae

jab bhi KHat likhne baiThe unhen

sirf le kar qalam rah gae

dekh kar teri taswir ko

aaina ban ke hum rah gae

main ne har shai sanwari magar

un ki zulfon ke KHam rah gae

ai 'fana' teri taqdir mein

sari duniya ke gham rah gae