mazhab-e-ishq iKHtiyar kiya

maz.hab-e-'ishq iḳhtiyār kiyā

apne hāthoñ hī dil pe vaar kiyā

tum musalmāñ ho husn vaalo sabhī

ham haiñ kāfir jo tum se pyaar kiyā

ham taraste rahe karam ke liye

sitam chāhā to be-shumār kiyā

guru aa.e to kaj-adā.ī se

'umr bhar jin kā intizār kiyā

laakh bāteñ thiiñ par zabāñ na khulī

phir bhī apne ko sharmsār kiyā

yuuñ to ġhālib bhī the zamāne meñ

'mīr' ko apnā rāzdār kiyā

'qādrī' ham vafā ke bande haiñ

jān-o-dil un pe hī nisār kiyā

mazhab-e-'ishq iKHtiyar kiya

apne hathon hi dil pe war kiya

tum musalman ho husn walo sabhi

hum hain kafir jo tum se pyar kiya

hum taraste rahe karam ke liye

sitam chaha to be-shumar kiya

guru aae to kaj-adai se

'umr bhar jin ka intizar kiya

lakh baaten thin par zaban na khuli

phir bhi apne ko sharmsar kiya

yun to ghaalib bhi the zamane mein

'mir' ko apna raazdar kiya

'qadri' hum wafa ke bande hain

jaan-o-dil un pe hi nisar kiya