bulbul ko hai tasawwur har lahza yar tera

bulbul ko hai tasavvur har lahza yaar terā

har gul meñ jalva-gar hai naqsh-o-nigār terā

hai sab zuhūr terā tū hī hai sab meñ zāhir

har chiiz se 'ayāñ hai husn-o-bahār terā

jidhar nazar paḌī hai tere sivā nahīñ hai

āñkhoñ meñ chhā rahā hai nūr-e-'izār terā

nairañgiyoñ ne tere kyā hairateñ dikhā.īñ

āñkhoñ meñ nasha terā sar meñ ḳhumār terā

sar meñ nahīñ rahā hai andesha-e-kHarābī

sar ḳhāk-e-rāh terā sīna-figār terā

us 'ishq kī badaulat hai 'fard' kī ye hālat

hāl-e-dardmand terī dil-e-be-qarār terā

bulbul ko hai tasawwur har lahza yar tera

har gul mein jalwa-gar hai naqsh-o-nigar tera

hai sab zuhur tera tu hi hai sab mein zahir

har chiz se 'ayan hai husn-o-bahaar tera

jidhar nazar paDi hai tere siwa nahin hai

aankhon mein chha raha hai nur-e-'izar tera

nairangiyon ne tere kya hairaten dikhain

aankhon mein nasha tera sar mein KHumar tera

sar mein nahin raha hai andesha-e-kHarabi

sar KHak-e-rah tera sina-figar tera

us 'ishq ki badaulat hai 'fard' ki ye haalat

haal-e-dardmand teri dil-e-be-qarar tera