wade kiye bahut pe kis ko wafa nahin

va.ade kiye bahut pe kis ko vafā nahīñ

jis meñ ki thā gumān-e-vafā vo kiyā nahīñ

har baat meñ safā.ī dikhātā hai saaf jhuuT

aayā ġhubār-e-dil par to ab tak uThā nahīñ

dushnām talḳh dījiye par hañs ke dījiye

rūkhā suḳhan kiso kā to ham ne sunā nahīñ

ham ne sunā masīh se dardoñ kī hai davā

be-dard dil jo hove to us kī davā nahīñ

maiñ ne kahā ki qatl raqīboñ se mat karā

bolā ki apnā haath kiso par uThā nahīñ

wade kiye bahut pe kis ko wafa nahin

jis mein ki tha guman-e-wafa wo kiya nahin

har baat mein safai dikhata hai saf jhuT

aaya ghubar-e-dil par to ab tak uTha nahin

dushnam talKH dijiye par hans ke dijiye

rukha suKHan kiso ka to hum ne suna nahin

hum ne suna masih se dardon ki hai dawa

be-dard dil jo howe to us ki dawa nahin

main ne kaha ki qatl raqibon se mat kara

bola ki apna hath kiso par uTha nahin