karata tha hashr nala dil-e-na-subur ka

karatā thā hashr naala dil-e-nā-subūr kā

shām-e-alam namūna thī sub.h-e-nushūr kā

jab se kiyā mushāhida us but ke nuur kā

'ālam hī mere dil meñ tajallī-e-tūr kā

har vaqt sāmnā hai but-e-pur-ġhurūr kā

hāfiz hai ab ḳhudā hī dil-e-nā-subūr kā

har dam guzar hai jalva hai hūr-e-qusūr kā

firdaus hai makān mere rashk-e-hūr kā

chāk-e-jigar kā mere karegī rafū vahī

go sozan-e-masīh se rishta hai duur kā

mā'shūq haiñ jo aap to phir rote haiñ kyuuñ

mā'shūq hī se kartī haiñ shikva ġhurūr kā

zāhid vo bāda-kash huuñ abhī mere vāste

o tire falak se jaam sharāb-e-tahūr kā

ai 'fauq' kyā batā.eñ jo kuchh chāhtā hai dil

jab dekh lete haiñ koī sāġhar 'ubūr kā

karata tha hashr nala dil-e-na-subur ka

sham-e-alam namuna thi subh-e-nushur ka

jab se kiya mushahida us but ke nur ka

'alam hi mere dil mein tajalli-e-tur ka

har waqt samna hai but-e-pur-ghurur ka

hafiz hai ab KHuda hi dil-e-na-subur ka

har dam guzar hai jalwa hai hur-e-qusur ka

firdaus hai makan mere rashk-e-hur ka

chaak-e-jigar ka mere karegi rafu wahi

go sozan-e-masih se rishta hai dur ka

ma'shuq hain jo aap to phir rote hain kyun

ma'shuq hi se karti hain shikwa ghurur ka

zahid wo baada-kash hun abhi mere waste

o tere falak se jam sharab-e-tahur ka

ai 'fauq' kya bataen jo kuchh chahta hai dil

jab dekh lete hain koi saghar 'ubur ka