jab un ko yaad kisi ka koi qusur aaya

jab un ko yaad kisī kā koī qusūr aayā

to sab se pahle mujhī par ġhazab zarūr aayā

visāl-e-yār se itrā na ai dil-e-nādāñ

mujhe ġhurūr na aayā tujhe ġhurūr aayā

ġhazab se bach ke kare ham se tuur par bijlī

pasand jalva-e-jānāñ ko sañg-e-tūr aayā

ḳhudā kī shaan pukāre unheñ ba-gīr-e-bahr-e-ġhair

javāb meñ vo kaheñ pyaar se huzūr aayā

ye dekhnā ki qayāmat par ik qayāmat thī

ḳhudā ke sāmne jis dam vo pur-ġhurūr aayā

shab-e-visāl thā vo lutf-e-dīd kī qābil

sharāb pī ke unheñ jis ghaḌī surūr aayā

nahīñ chale vo mere saath do qadam bhī abhī

ki mujhe pūchhe haiñ ab maiñ kitnī duur aayā

zahe nasīb ki vo mujh ko be-su'ūr kaheñ

ḳhudā kā shukr ki itnā inheñ su'ūr aayā

mazār ho 'fauq'-e-shab-e-vā'da vo jo aa.eñ

le ke ham kaheñ ye kaun rashk-e-sūr aayā

jab un ko yaad kisi ka koi qusur aaya

to sab se pahle mujhi par ghazab zarur aaya

visal-e-yar se itra na ai dil-e-nadan

mujhe ghurur na aaya tujhe ghurur aaya

ghazab se bach ke kare hum se tur par bijli

pasand jalwa-e-jaanan ko sang-e-tur aaya

KHuda ki shan pukare unhen ba-gir-e-bahr-e-ghair

jawab mein wo kahen pyar se huzur aaya

ye dekhna ki qayamat par ek qayamat thi

KHuda ke samne jis dam wo pur-ghurur aaya

shab-e-visal tha wo lutf-e-did ki qabil

sharab pi ke unhen jis ghaDi surur aaya

nahin chale wo mere sath do qadam bhi abhi

ki mujhe puchhe hain ab main kitni dur aaya

zahe nasib ki wo mujh ko be-su'ur kahen

KHuda ka shukr ki itna inhen su'ur aaya

mazar ho 'fauq'-e-shab-e-wa'da wo jo aaen

le ke hum kahen ye kaun rashk-e-sur aaya