dagh wo dagh hai dil mein jo numayan na hua

daaġh vo daaġh hai dil meñ jo numāyāñ na huā

dard vo dard hai jis dard kā darmāñ na huā

na huā vasl kā taqdīr meñ sāmāñ na huā

ghar to ghar vo to kabhī dil meñ bhī mehmāñ na huā

hijr kī din meñ kamī vasl ke shab kī na huī

vasl kī raat meñ tūl-e-shab-e-hijrāñ na huā

dāman ġhair ko vo khīñch ke yuuñ chaak kareñ

rashk aatā hai ye merā hai garebāñ na huā

ḳhat kī badlī merī tasvīr hai le jā qāsid

haal vo kyā hai jo sūrat se numāyāñ na huā

'fauq' maiñ dard kā qaa.il ho rahā pahlū meñ

aur koī bhī sharīk-e-shab-e-hijrāñ na huā

kyā kahūñ haal meñ is dam ke pashemānī kā

us bazm meñ koī merā pursāñ na huā

dagh wo dagh hai dil mein jo numayan na hua

dard wo dard hai jis dard ka darman na hua

na hua wasl ka taqdir mein saman na hua

ghar to ghar wo to kabhi dil mein bhi mehman na hua

hijr ki din mein kami wasl ke shab ki na hui

wasl ki raat mein tul-e-shab-e-hijran na hua

daman ghair ko wo khinch ke yun chaak karen

rashk aata hai ye mera hai gareban na hua

KHat ki badli meri taswir hai le ja qasid

haal wo kya hai jo surat se numayan na hua

'fauq' main dard ka qail ho raha pahlu mein

aur koi bhi sharik-e-shab-e-hijran na hua

kya kahun haal mein is dam ke pashemani ka

us bazm mein koi mera pursan na hua