Sufinama

faza-e-gosha-e-dil mein tujhe jab jalwa-gar dekha

Seemab Akbarabadi

faza-e-gosha-e-dil mein tujhe jab jalwa-gar dekha

Seemab Akbarabadi

MORE BYSeemab Akbarabadi

    fazā-e-gosha-e-dil meñ tujhe jab jalva-gar dekhā

    mirī nazroñ ne hairat se mujhī ko umr-bhar dekhā

    tavaqqo.a se tire fazl-o-karam ko beshtar dekhā

    mujhe sharm aa ga.ī jab apnā dāman muḳhtasar dekhā

    rahā lab tishna-e-taskīñ mirā imkān-e-nazzāra

    agarche dekhne tarh tujh ko umr-bhar dekhā

    tasavvur hadoñ ko naaz thā jin tajallī par

    nazar vāloñ ne un jalvoñ ko tā-hadd-e-nazar dekhā

    sab apne dil meñ ik tīr-e-nazar mahsūs karte haiñ

    magar koī batā saktā nahīñ us ne kidhar dekhā

    tire sajdoñ se matlab thā makān-o-lā-makāñ kaisā

    na ham ne rah-guzar dekhī na ham ne sañg-e-dar dekhā

    nazar aatā na thā jo gird-e-afkār-o-havādis meñ

    vo sāhil-āñkh ne tūfān-e-ġham meñ Duub kar dekhā

    mazāq-e-ishq ko āzād-e-qaid-e-rañg-o-bū dekhā

    junūñ ko be-niyāz-e-bandish-e-dīvār-o-dar dekhā

    dil-e-yak-qatra-ḳhūñ us meñ soz-o-iztirāb itnā

    zarā chiiz meñ hañgāma-e-barq-o-sharar dekhā

    tumhāre sañg-e-dar ko sañg-e-dar ab kis tarah kah duuñ

    ki jab sajda kiyā sar ko jabīn-e-arsh par dekhā

    vo aa.e naza.a meñ tajdīd karne rasm-e-ulfat

    baḌhā dāstāñ jab merā qissa muḳhtasar dekhā

    ajab manzil thī ai 'sīmāb' apnī manzil-e-hastī

    na dam lene fursat thī na yārā-e-safar dekhā

    faza-e-gosha-e-dil mein tujhe jab jalwa-gar dekha

    meri nazron ne hairat se mujhi ko umr-bhar dekha

    tawaqqoa se tere fazl-o-karam ko beshtar dekha

    mujhe sharm aa gai jab apna daman muKHtasar dekha

    raha lab tishna-e-taskin mera imkan-e-nazzara

    agarche dekhne ki tarh tujh ko umr-bhar dekha

    tasawwur ki hadon ko naz tha jin ki tajalli par

    nazar walon ne un jalwon ko ta-hadd-e-nazar dekha

    sab apne dil mein ek tir-e-nazar mahsus karte hain

    magar koi bata sakta nahin us ne kidhar dekha

    tere sajdon se matlab tha makan-o-la-makan kaisa

    na hum ne rah-guzar dekhi na hum ne sang-e-dar dekha

    nazar aata na tha jo gird-e-afkar-o-hawadis mein

    wo sahil-ankh ne tufan-e-gham mein Dub kar dekha

    mazaq-e-ishq ko aazad-e-qaid-e-rang-o-bu dekha

    junun ko be-niyaz-e-bandish-e-diwar-o-dar dekha

    dil-e-yak-qatra-KHun us mein soz-o-iztirab itna

    zara si chiz mein hangama-e-barq-o-sharar dekha

    tumhaare sang-e-dar ko sang-e-dar ab kis tarah kah dun

    ki jab sajda kiya sar ko jabin-e-arsh par dekha

    wo aae naza mein tajdid karne rasm-e-ulfat ki

    baDha di dastan jab mera qissa muKHtasar dekha

    ajab manzil thi ai 'simab' apnī manzil-e-hasti

    na dam lene ki fursat thi na yara-e-safar dekha

    Source :
    • Book : Kaleem-e-Ajam (Pg. 184)
    • Author : Seemab Akbarabadi
    • Publication : Rifah-e-Aam Press, Agra (UP (1935)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now