zamin ke dosh pe Thahre ki arsh par Thahre

zamīñ ke dosh pe Thahre ki 'arsh par Thahre

hazār jalvoñ meñ kis tarah ik nazar Thahre

ba-jabr dil ne biThāyā qarīb-e-dar Thahre

irāda pahle kuchh aur thā magar Thahre

tirī nigāh ke jalve na ho sake mahdūd

kuchh āsmāñ pe rahe kuchh zamīñ pe Thahre

ye dīdanī hai gulistāñ kī aatī jaatī bahār

vahī hai phuul ki jis par tirī nazar Thahre

usūl-e-'ishq pe qaa.em rahe nizām-e-vafā

jahāñ pe shaam thamī thī vahīñ sahar Thahre

dhaḌakte dil kā qalam rāz-e-āḳhirī likh de

zarā-sī der agar terā nāma-bar Thahre

na shart-e-sham’ hai koī na qaid-e-parvāna

vahī hai dil jo mohabbat kī aañch par Thahre

chamak chamak ke mire āñsuoñ se Takrā kar

sitāre sub.h kī hasrat meñ raat bhar Thahre

na 'fazl' ġham meñ sukūñ hai na hai ḳhushī meñ qarār

batā duuñ rāz-e-mohabbat ye dil agar Thahre

zamin ke dosh pe Thahre ki 'arsh par Thahre

hazar jalwon mein kis tarah ek nazar Thahre

ba-jabr dil ne biThaya qarib-e-dar Thahre

irada pahle kuchh aur tha magar Thahre

teri nigah ke jalwe na ho sake mahdud

kuchh aasman pe rahe kuchh zamin pe Thahre

ye didani hai gulistan ki aatī jati bahaar

wahi hai phul ki jis par teri nazar Thahre

usul-e-'ishq pe qaem rahe nizam-e-wafa

jahan pe sham thami thi wahin sahar Thahre

dhaDakte dil ka qalam raaz-e-aKHiri likh de

zara-si der agar tera nama-bar Thahre

na shart-e-sham’ hai koi na qaid-e-parwana

wahi hai dil jo mohabbat ki aanch par Thahre

chamak chamak ke mere aansuon se Takra kar

sitare subh ki hasrat mein raat bhar Thahre

na 'fazl' gham mein sukun hai na hai KHushi mein qarar

bata dun raaz-e-mohabbat ye dil agar Thahre