jab ishq hadon se baDhta hai kya dard ki raaten hoti hain

jab 'ishq hadoñ se baḌhtā hai kyā dard kī rāteñ hotī haiñ

saa.e se ishāre hote haiñ parchhā.īñ se bāteñ hotī haiñ

rone meñ hañsī aa jaatī hai hañsne meñ nikalte haiñ aañsū

ye ulTī sīdhī duniyā hai yaañ aisī hī bāteñ hotī haiñ

furqat kī añdherī rātoñ meñ jab dard se dil Takrātā hai

be-nūr sitāre hote haiñ be-rūh hayāteñ hotī haiñ

ye raaz na samjhegā koī tū ḳhud hī batā de duniyā ko

chup rahne vaale parvāne kyā sham.a se bāteñ hotī haiñ

ai 'fazl' vo dil kyā patthar hai jis meñ na khaTak ho ulfat kī

ham ko bhī koī yaad aatā hai jab chāñdnī rāteñ hotī haiñ

jab 'ishq hadon se baDhta hai kya dard ki raaten hoti hain

sae se ishaare hote hain parchhain se baaten hoti hain

rone mein hansi aa jati hai hansne mein nikalte hain aansu

ye ulTi sidhi duniya hai yan aisi hi baaten hoti hain

furqat ki andheri raaton mein jab dard se dil Takraata hai

be-nur sitare hote hain be-ruh hayaten hoti hain

ye raaz na samjhega koi tu KHud hi bata de duniya ko

chup rahne wale parwane kya shama se baaten hoti hain

ai 'fazl' wo dil kya patthar hai jis mein na khaTak ho ulfat ki

hum ko bhi koi yaad aata hai jab chandni raaten hoti hain