har ek saghar se soz-e-mai ayan malum hota hai

har ik sāġhar se soz-e-mai 'ayāñ mā'lūm hotā hai

surāhī jab uThātā huuñ dhuāñ mā'lūm hotā hai

ḳhushī kā tazkira bhī ab garāñ mā'lūm hotā hai

ġham-e-hastī hayāt-e-jāvidāñ mā'lūm hotā hai

tasavvur meñ qafas se raushnī ke DhūñDne vaale

gulābī gul charāġh-e-āshiyāñ mā'lūm hotā hai

bulandī sar jhukātī hai agar ho jazb pastī meñ

zamīn-e-dil pe 'aks-e-āsmāñ mā'lūm hotā hai

ḳhamoshī bhī chaman kī tarjumānī kartī rahtī hai

zabān-e-gul pe husn-e-dāstāñ ma.alūm hotā hai

chaman meñ rah ke jis gun ne mizāj-e-bāġhbāñ badlā

vahī duniyā kī nazroñ meñ garāñ mā'lūm hotā hai

jabīn-e-'fazl' jhuktī hai to anvār-e-haqīqat meñ

jo sajda hai vo rūh-e-āstāñ mā'lūm hotā hai

har ek saghar se soz-e-mai 'ayan ma'lum hota hai

surahi jab uThata hun dhuan ma'lum hota hai

KHushi ka tazkira bhi ab garan ma'lum hota hai

gham-e-hasti hayat-e-jawidan ma'lum hota hai

tasawwur mein qafas se raushni ke DhunDne wale

gulabi gul charagh-e-ashiyan ma'lum hota hai

bulandi sar jhukati hai agar ho jazb pasti mein

zamin-e-dil pe 'aks-e-asman ma'lum hota hai

KHamoshi bhi chaman ki tarjumani karti rahti hai

zaban-e-gul pe husn-e-dastan malum hota hai

chaman mein rah ke jis gun ne mizaj-e-baghban badla

wahi duniya ki nazron mein garan ma'lum hota hai

jabin-e-'fazl' jhukti hai to anwar-e-haqiqat mein

jo sajda hai wo ruh-e-astan ma'lum hota hai