na KHwahan taj-e-KHusraw ka na main taKHt-e-sikandar ka

na ḳhvāhāñ tāj-e-ḳhusrav kā na maiñ taḳht-e-sikandar kā

muqaddar us jagah le chal bhikārī huuñ maiñ jis dar kā

na sair-e-bāġh ko hai dil hai na dīd-e-gul kī ḳhvāhish hai

mirī āñkhoñ meñ naqsha phir rahā hai ik gul-e-tar kā

adā.eñ laakh dikhlā.e agar laala to kyā matlab

mujhe allāh ne maftūñ kiyā lab-hā-e-ahmar kā

tamāshā-e-mah-o-kHurshīd se kyā ḳhaak sairī ho

mirī āñkhoñ meñ jalva hai kisī ke rū-e-anvar kā

'faqīr'-e-qādirī ke āstāne kā bhikārī kā

nahīñ rutba mirī nazroñ meñ kuchh maġhfūr-o-qaisar kā

ye ḳhvāhish hai ki un ke āstāñ kī ḳhaak mil jaa.e

na maiñ iksīr kā tālib na ḳhvāhāñ daulat-o-zar kā

rasūlullāh ke 'āshiq the aur allāh ke tālib

dil-e-āshufta abū-bakr-o-'omer 'usmān-o-haidar kā

na KHwahan taj-e-KHusraw ka na main taKHt-e-sikandar ka

muqaddar us jagah le chal bhikari hun main jis dar ka

na sair-e-bagh ko hai dil hai na did-e-gul ki KHwahish hai

meri aankhon mein naqsha phir raha hai ek gul-e-tar ka

adaen lakh dikhlae agar lala to kya matlab

mujhe allah ne maftun kiya lab-ha-e-ahmar ka

tamasha-e-mah-o-kHurshid se kya KHak sairi ho

meri aankhon mein jalwa hai kisi ke ru-e-anwar ka

'faqir'-e-qadiri ke aastane ka bhikari ka

nahin rutba meri nazron mein kuchh maghfur-o-qaisar ka

ye KHwahish hai ki un ke aastan ki KHak mil jae

na main iksir ka talib na KHwahan daulat-o-zar ka

rasulullah ke 'ashiq the aur allah ke talib

dil-e-ashufta abu-bakr-o-'omer 'usman-o-haidar ka