gar kaun-o-makan mazhar-e-nairang na hota

gar kaun-o-makāñ maz.har-e-nairañg na hotā

har aan meñ us kā ye nayā Dhañg na hotā

hotā na agar us ke tamāshe meñ tahayyur

hairat se maiñ ā.īna-e-namat-e-dañg na hotā

gar shaan payambar kī abu-jehl pe khultī

islām ke laane meñ use nañg na hotā

asrār-e-haqīqat ke ḳharīdār jo hote

haftād-o-do-millat meñ kabhī jañg na hotā

imkān se bāhar hai tere kumba kā paaya

varna dil-e-āgāh merā tañg na hotā

gar pardae--ġhaflat ko tū ham se na uThātā

ai ishq-e-'niyāz' aage tere sañg na hotā

gar kaun-o-makan mazhar-e-nairang na hota

har aan mein us ka ye naya Dhang na hota

hota na agar us ke tamashe mein tahayyur

hairat se main aaina-e-namat-e-dang na hota

gar shan payambar ki abu-jehl pe khulti

islam ke lane mein use nang na hota

asrar-e-haqiqat ke KHaridar jo hote

haftad-o-do-millat mein kabhi jang na hota

imkan se bahar hai tere kumba ka paya

warna dil-e-agah mera tang na hota

gar pardae--ghaflat ko tu hum se na uThata

ai ishq-e-'niyaz' aage tere sang na hota