socha kabhi na ishq mein kuchh pyar ke siwa

sochā kabhī na ishq meñ kuchh pyaar ke sivā

hasrat koī na kī tere dīdār ke sivā

aa.e kabhī jo josh pe rahmat huzūr kī

kaun is kā mustahiq hai gunāhgār ke sivā

murda ko zinda zinda ko murda banā diyā

kis meñ ye baat hai terī guftār ke sivā

ḳhuld-e-barīñ meñ baiTh rahe jā ke muttaqī

hāzir rahā na koī gunāhgār ke sivā

kyā chain aa.e ḳhāna-e-sayyād meñ hameñ

dam-bhar kahīñ rahe nahīñ gulzār ke sivā

bār-e-ajal uThā.e jo koī ḳhushī ḳhushī

tāqat ye kis meñ hai tere bīmār ke sivā

ai yār-e-soz-e-dil maraz lā-ilāj hai

jā.egā na ye sharbat-e-dīdār ke sivā

āzād to kiyā mujhe ye to batāiye

jā۔ūñ kahāñ maiñ aap kī sarkār ke sivā

mar-miT ke kaun gor-e-ġharībāñ meñ jaaye shaah

apnī jagah kahāñ hai dar-e-yār ke sivā

socha kabhi na ishq mein kuchh pyar ke siwa

hasrat koi na ki tere didar ke siwa

aae kabhi jo josh pe rahmat huzur ki

kaun is ka mustahiq hai gunahgar ke siwa

murda ko zinda zinda ko murda bana diya

kis mein ye baat hai teri guftar ke siwa

KHuld-e-barin mein baiTh rahe ja ke muttaqi

hazir raha na koi gunahgar ke siwa

kya chain aae KHana-e-sayyaad mein hamein

dam-bhar kahin rahe nahin gulzar ke siwa

bar-e-ajal uThae jo koi KHushi KHushi

taqat ye kis mein hai tere bimar ke siwa

ai yar-e-soz-e-dil maraz la-ilaj hai

jaega na ye sharbat-e-didar ke siwa

aazad to kiya mujhe ye to bataiye

ja۔un kahan main aap ki sarkar ke siwa

mar-miT ke kaun gor-e-ghariban mein jaye shah

apni jagah kahan hai dar-e-yar ke siwa