سوچا کبھی نہ عشق میں کچھ پیار کے سوا

سوچا کبھی نہ عشق میں کچھ پیار کے سوا

حسرت کوئی نہ کی تیرے دیدار کے سوا

آئے کبھی جو جوش پے رحمت حضور کی

کون اس کا مستحق ہے گناہ گار کے سوا

مردہ کو زندہ زندہ کو مردہ بنا دیا

کس میں یہ بات ہے تیری گفتار کے سوا

خلد بریں میں بیٹھ رہے جا کے متقی

حاضر رہا نہ کوئی گناہ گار کے سوا

کیا چین آئے خانۂ صیاد میں ہمیں

دم بھر کہیں رہے نہیں گلزار کے سوا

بار اجل اٹھائے جو کوئی خوشی خوشی

طاقت یہ کس میں ہے تیرے بیمار کے سوا

اے یار سوز دل مرض لا علاج ہے

جائے گا نہ یہ شربت دیدار کے سوا

آزاد تو کیا مجھے یہ تو بتایئے

جاؤں کہاں میں آپ کی سرکار کے سوا

مر مٹ کے کون گور غریباں میں جائے شاہ

اپنی جگہ کہاں ہے در یار کے سوا